تلقينا اسئله كتير في الفتره الأخيره عن الفرق بين العدسات الأكروماتيك اللي موجوده في اجهزتنا وبين العدسات العاديه ف لاب سابلاي حبت توضح الفرق بطريقه بسيطه مختصره
الأكروماتيك بيكون عباره عن عدستين ملزوقين فى بعض او بينهم مسافه صغيره جدا كما موضح بالشكل (A) وكل عدسه منهم من زجاج له معامل انكسار مختلف عن الأخر لتلافى ما يسمى ب الزيغ اللونى اللى بيكون فى العدسات العاديه وده بيدي حضرتك نقاء صوره اكبر بدون تشتتات و انعكاسات زي ماهو موضح في الصوره (B) وخصوصا مع وجود الأضاءه ال LED اللي في اجهزتنا ودي هنتكلم عنها في موضوع اخر
وايضا العدسات الأكروماتيك بتكون مطليه بماده بتسمح بمرور الأشعه من خلالها و تمنع ارتداد الاشعه من اسطح العدسه عشان تقلل من كميه الضوء المرتد من العدسه لوضوح الصوره . وده موضح بالشكل (A)
يعنى تعدى اكبر كميه من الضوء المار خلالها بدون م ينعكس ويأثر علي نقاء الصوره وده اللى بنسميه فى النظارات انتى ريفلكشن